都是我們（最後）的日子 — 諾妍（ V ）
1986 年暑假，亦係我去美國讀書後第一個暑假，我返咗香港過 — 因為對一個十二三歲嘅細路嚟講，香港嘅回憶、親人、朋友、同學，就係我嘅全部。
某日，大我幾歲嘅表姐搵我一齊去睇戲；於是，兩個只有暑假會喺香港（佢喺英國留學）嘅細路，去咗銅鑼灣睇林子祥張艾嘉嘅《最愛》。
老老實實，套戲講乜、好唔好睇，我完全唔記得。我只係記得，我完全唔明白點解男主角可以同兩個女人糾纏咁多年 — 我係俾金庸小說湊大嘅一代，係小說入面，真正嘅「大俠」，只能有一個女人、從一而終（多過一個女人嗰啲唔係大俠）。正因如此，所以楊過喺毫無希望之下都要等十六年 — 否則阿鵰兄扮埋鵰嫂都唔掂。
然後，喺 2002 年（或者更早，只不過我唔願意面對現實），當我發現自己正在上演緊《最愛》嗰陣，我先至明白，冇選擇，其實係種幸福……
因為我哋人生嘅經歷同訓練，從來冇培養過我哋選擇伴侶嘅技巧同心態。我哋嘅「教育」認為真愛唔使求、唔使揀，甚至唔使諗；緣份一到，真愛自己會出現 — 佛系、耶穌系同真主系立場一致。
呢種諗法絕大部分時間都 work。但正如我哋嘅社會福利制度一樣，如果你係極少數跌出安全網嘅人的話，後果苦不堪言之餘，亦冇人會可憐你 — 因為你係跌出安全網嘅少數「問題人士」；所以係你嘅錯，唔係社會嘅錯。
請移玉步往 Patreon 繼續閱讀；感謝！
由於 Medium 版面同 algorithm 混亂，各位文友如果想睇返昔日小說同文章，可以喺我呢兩個目錄當中搵到：
希望大家都唔好吝嗇掌聲；感謝大家對文字創作人嘅支持。同時亦歡迎大家加入我嘅《IF 文章 PUSH》channel：https://t.me/ifpush、同埋 subscribe 我嘅 stories，咁樣大家就可以以最快嘅速度、獲得我嘅文章更新推送；感謝大家嘅支持。大家亦可以喺 Patreon follow 返我： https://www.patreon.com/herrfung由於近期我某啲文章開始不定期推出，再加上 Medium 又轉咗 app layout、令讀者要搵某指定作者嘅文章更困難，唔想睇漏我任何文章嘅文友，可以考慮吓 subscribe 我嘅 stories - 放心，我一個星期最多都係兩篇文，唔會炸爆你哋 email。
