舊劇睇深啲： 《 陽光先生 》
開始新文章之前，我希望借少少位置 round up 返上一篇、以至整個 《 神 》 系列嘅文章。
可能會有讀者覺得，整個系列文氣太重，我 quote 太多聖經令到文章缺乏我一貫嘅幽默感、減低可讀性，特別最後一篇。大家心裏面嘅問題係：有冇咁嘅必要？
呢個其實係我同基督徒就有關問題辯論幾十年得返嚟嘅經驗。基督徒係好特別嘅一群人，如果好似我哋往常辯論咁、以歷史、科學等等理據去說服佢哋，我會一敗塗地。佢哋否定我嘅方法亦非常簡單，就係歷史錯、科學錯。香港某正統教會網站甚至寫明，因為神太高、科學太低，所以科學 detect 唔到神之餘，仲成日出錯……
但面對聖經，佢哋唔可以出呢招，因為 「 聖經無誤 」 。
要真正令到呢班人知難而退，就係用聖經同佢哋辯論、用聖經嘅內容反駁佢哋過份 「 神愛世人 」 嘅言論。慶幸嘅係，我所接觸過嘅基督徒、甚至護教基，其實對聖經嘅真正認識有限；好多時脫離四福音（ 打雞血 ）同保羅書信（ 批判人 ），佢哋就無言以對。我並唔係好勇鬥狠要拗贏佢哋，我只係希望佢哋可以正視聖經中林林總總嘅問題。
呢個亦表明，即使我間中會用比較輕鬆嘅筆觸，呢十集 《 神 》 係我非常認真嘅反思。
我曾經試過喺 Patreon 認真寫劇、分析劇情，然後再加啲行內知識之類嘅嘢豐富內容；結果仲比一般文章反應更差。人要面、樹要皮，呢次我唔會再做傻事；我決定回歸以前以寫劇為名借題發揮嘅習慣。
呢套劇已經上咗 Netflix 一段日子，我相信好多讀者都已經睇過；不過我亦唔會有太多劇透 — 歷史背景另計，嗰啲唔算劇透。
請移玉步往 Patreon 繼續閱讀；感謝！
歡迎大家加入我嘅《IF 文章 PUSH》channel：https://t.me/ifpush、同埋 subscribe 我嘅 stories，咁樣大家就可以以最快嘅速度、獲得我嘅文章更新推送；感謝大家嘅支持。大家亦可以喺 Patreon follow 返我： https://www.patreon.com/herrfung
