神（ 9 ）
上一篇，我講述咗我喺德國返一個美國教會 — 一個美國基要派、接近死硬派原教旨主義教會七年嘅種種經歷。有讀者可能會問：究竟呢個教會、同香港或者任何亞洲大城市嘅教會有咩分別？
首先亦係最大嘅分別，就係好多時呢班人欠缺大城市社交禮儀中對別人嘅尊重。如果你係大城市中產階級，你會覺得呢班人喺打完招呼之後就開始無禮，亦唔尊重個人私隱之類。我提出 「 大城市中產階級 」 係因為呢個係我同佢哋喺客觀因素上最大分別，亦係唯一分別。
喺我哋返呢個教會頭幾個星期，每次返去都會面對唔同人同一個問題：你哋係咪夫婦？點解冇細路？當我答我唔想要細路後，我哋就被投以奇怪目光，彷彿做咗件違反倫理道德嘅大逆不道事情。試過有恃老賣老嘅教友甚至繼續追問 「 Why not? 」 、然後不斷駁斥我因為禮貌而俾出嚟嘅答案，直至我哋嘅面色唔可以再隱藏不滿……
我真係有必要向任何人解釋我冇子女嘅原因咩？
之後，我哋正式成為教會裏面嘅 「 異類 」 ：奇怪嘅夫婦、冇愛心、自私、享樂主義；總之造愛唔懷孕嘅夫婦就係邪惡。
神愛唔愛世人，講真我唔知；不過 Bible 話佢愛，我就信。但我非常肯定 「 大家同一個教會 」 嘅定義，其實同大家搭埋同一架𨋢返工差唔多，唔好有太大期望。
喺開始呢個系列之前，我已經諗緊，呢系列文章嘅結尾會係難度好高、非常難寫嘅文章。因為對我而言，呢兩篇結語係我幾十年對神同宗教嘅 Redemption。霎時間要寫幾十年嘅總結，真係不知從何說起……
喺開始之前，我先稍為講解一下，我對基督教中嘅神、同埋呢個宗教嘅見解。同之前所有有關宗教嘅言論一樣，呢個只係我個人嘅見解；除咗我自己之外，唔代表任何人、或者任何宗教團體。我一直強調，我只係個普通人，所以希望大家唔好有任何寄望 — 我嘅見解喺人類歷史上已經出現過 N 次、之後亦會繼續出現 N 次，冇任何獨到之處。
只不過，如果你真係要搵到個特別嘅理由的話：嚟緊呢兩篇文章中所有嘅 Redemption，都係由個人經歷四十幾五十年嘅領悟得嚟，冇任何抄襲成份。即使兩個答案一樣，睇返嚟同自己作答，應該都有啲唔同啩？
請移玉步往 Patreon 繼續閱讀；感謝！
歡迎大家加入我嘅《IF 文章 PUSH》channel：https://t.me/ifpush、同埋 subscribe 我嘅 stories，咁樣大家就可以以最快嘅速度、獲得我嘅文章更新推送；感謝大家嘅支持。大家亦可以喺 Patreon follow 返我： https://www.patreon.com/herrfung
