七月十四日，Bastille Day，a.k.a. 法國國慶。
終於有機會親身體驗法國國慶嘅熱鬧氣氛。我同多情、Ciara 今日假期，所以一早搵定靚位睇閱兵。彌生因為安排我 relocation 同埋有份 organize 一個畫展，所以仍然留喺巴黎；換句話講，我哋仍然有個對住巴黎鐵塔嘅無敵 suite。難得嘅係澄夏都嚟咗 — 佢同同事跟 buyer 嚟睇貨，撞啱今日假期，所以 join 埋我哋。
我覺得法國國慶係人生必須參與一次嘅 lifetime event，因為實在太靚。一個國家嘅國民美感質素，可以由佢哋嘅軍隊同紀律部隊制服睇得到。早上嘅閱兵由法國唔同軍種組成，有啲著制服、有啲著軍禮服 — 作為時裝大國，法軍禮服一啲都唔比英軍差，法國共和國衛隊（ Garde républicaine ）嘅禮服可能係當中最靚嘅一套。除咗法軍，佢哋亦邀請咗重要盟友嘅軍團參加閱兵遊行，今年英國嘅皇家騎兵團同女皇衛隊亦有參與。
最安慰係我見唔到平生最討厭嘅鵝步操（ Goose Steps ） — 一個好地地嘅國家唔會整啲咁樣衰嘅步操。人行路咪人行路囉，好地哋做乜走去學鵝行路唧？！你唔好學隻雞行路咁條頸縮吓縮吓？！
望住 Saint-Cyr cadets 著住搶眼嘅黑衫紅褲黑禮帽插上白羽毛禮服操過面前，我開始羨慕可以喺法國當兵 — 雖然我套黑衫藍褲紅邊嘅海軍陸戰隊禮服都唔輸蝕。
當軍隊緩緩由凱旋門操向協和廣場之際，九架幻影 2000 戰機噴住紅白藍國旗色煙霧由凱旋門上空呼嘯而過；老實講，即使唔係法國人，望住呢個場面心情都有啲激動。
晚上，米蘭名媛見大家興緻正濃，索性將 suite 暫時變成小型 ballroom、order 咗啲 buffet 等大家食住睇煙花；Shangri-La Paris 嘅美食、名酒、靚女、煙花美景，大家都好盡慶。有啲可惜嘅係成場得我一個男人 — 我意思係戥冇得嚟玩嘅所有男人可惜 😎。
請移玉步往 Patreon 繼續閱讀；感謝！
《 聽風的歌 》 係郭富城喺 1996 年 10 月推出嘅同名專輯嘅主打歌，陳光榮作曲、小美填詞。
《 聽風的歌 》 呢隻專輯係郭富城咁多專輯中、我最鍾意嘅一隻。鍾意嘅原因其實同音樂冇乜關係 — 我主要係鍾意專輯嘅意大利造型。90 年代香港四大天王當道，為佢哋包裝嘅形象顧問 budget 亦接近無上限。只不過，其餘三位大部分時間都係將一身名牌著上身，僅此而已；就好似黎明咁，先成身 Versace，然後 Tom Ford 上位後就成身 Gucci。郭富城 《 聽風的歌 》 嘅造型當然唔少得名牌；但佢多咗一個主題：意大利 model／型男。佢 MV 同專輯嘅造型，由髮型到衣著都完全體現意大利地道服飾同打扮嘅特色同味道，唔再係名牌暴發戶。
如果一生必須分開 方可以與妳再相遇
為何時間 緩緩流過 任讓寂寞凝聚
如今不可跟妳再愛 只可以刻骨銘心內
唯求細聽 從前與妳 喜歡的一闕歌這首風中的歌 溫柔滿帶愛意 猶如情人講故事
歌中妳我已是一生的相依 而活著是這生意義
縱使今天分開 依然信妳聽到 纏纏綿綿的愛字
一首愛的歌 永遠蕩漾風裏面如果一天當妳風中聽到了我說過的字
柔情如妳 濃情如我 請輕哼這闕歌
如今不可跟妳再愛 只可以刻骨銘心內
唯求細聽 從前與妳 喜歡的一闕歌這首風中的歌 溫柔滿帶愛意 猶如情人講故事
歌中妳我已是一生的相依 而活著是這生意義
縱使今天分開 依然信妳聽到 纏纏綿綿的愛字
一首愛的歌 永遠蕩漾風裏面化身絲絲清風 週旋妳那髮鬢 纏纏綿綿緊扣住
即使老去也願一生的相依 如落日在晚風裏住
這首風中的歌 雖然痛過愛過 遺忘從來不太易
心底裏的歌 蕩漾盡是這愛字
歡迎大家加入我嘅《IF 文章 PUSH》channel：https://t.me/ifpush、同埋 subscribe 我嘅 stories，咁樣大家就可以以最快嘅速度、獲得我嘅文章更新推送；感謝大家嘅支持。大家亦可以喺 Patreon follow 返我： https://www.patreon.com/herrfung
