一星期後,巴黎。
米蘭之後就係巴黎;時裝可以變,但週期唔會變。
夏天做記者工作係唔人道嘅酷刑,喺米蘭其實同香港分別唔大,濕度低少少咁解。巴黎好少少,但唔好得去邊。有樣嘢香港絕對贏歐洲一條街以上,就係冷氣。喺法國或者意大利,香港任何商場、鋪頭、百貨公司之類嘅殮房級冷氣非常少見。喺巴黎,即使係時裝週會場,啲冷氣喺人少少冇事冇幹嘅情況下都勉強頂得住,一旦 runway 兩旁坐滿人再開埋射燈的話,室內絕對唔會比室外涼快 — 室外起碼有生風……
同年初一樣,彌生今次亦有嚟巴黎睇時裝週;亦同年初一樣,今次澄夏亦缺席 — 新紮 OL 當然要返工。好不容易做咗 OL 兩個幾星期,佢嘅水土不服開始適應;雖然仍然要時間去改善佢嘅 written English,但表面上佢寫嘅 email 已經開始好咗。澄夏並唔係讀書人,可以想像佢嘅高中讀得一塌胡塗。有啲嘢需要時間,急唔嚟。
佢仍然每日同我保持聯絡同 「 求救 」 ;有時候,要應付佢嘅隨時求援的確令我有啲無所適從;但為咗可以協助佢好好入職,呢啲都只不過係末節。
彌生雖然嚟咗巴黎,但今次佢冇住喺我哋屋企 — 因為怕熱,佢喺 Shangri-La Paris 租咗個兩房 suite,然後叫我同多情同佢一齊住。我當然唔會抗拒喺夏天嘅一間冷氣房,多情亦唔抗拒 — 有時我開始會諗,點解個傻妹真係冇機心成咁,定係佢睇得開?我相信即使我同彌生喺佢面前從無越位舉動,但有啲嘢唔使睇都感覺得到……
點都好,問題未發生之前都唔係問題,我覺得個頭埋喺沙入面其實都唔錯。
之前我優柔寡斷,係因為我本性唔鍾意做決定;呢次優柔寡斷,係我唔知點處理 — 因為我嘅決定唔符合所有人利益……
所以,唔諗好過諗。
請移玉步往 Patreon 繼續閱讀;感謝!
《 Because I Love You 》 係杜德偉喺 1991 年推出嘅 《 Because I Love You 天生喜歡你 》 專輯嘅兩大主打歌曲之一。原曲改編自美國歌手 Steve B 嘅作品 《 Because I Love You ( The Postman Song ) 》,Warren Allen Brooks 作曲,廣東話版本由林振強填詞。
我好記得當日最初聽呢隻歌,係原版 Steve B 作品;當時對你首歌冇乜特別感覺。及後杜德偉離開華星轉投華納、推出呢張專輯;我再次聽呢首歌,觀感即時唔同晒。我唔知係因為 Steve B 嘅 Postman 設定令我投入唔到、定係林伯言簡意賅嘅廣東歌詞先可以引起共鳴。杜德偉呢個版本喺當年,的確掀起一陣熱潮;同歌曲有關嘅嘅品牌廣告亦播到街知巷聞。
如問我以後 在那天方會不愛你
讓我講一聲 當光陰停止
而在我這一生 我只需要一個你
由一開始明知如此*Because I love you
求可一生一起 能與你上路是多麼美
Because I love you
雷雨也擔得起 而這愛誓長青不死如問我說 甚麼使我戀上你
難解釋只知不可疑
如浪永遠屬深海 這心須要奔向你
如彷彿天生應如此*而這愛誓長青不死
歡迎大家加入我嘅《IF 文章 PUSH》channel:https://t.me/ifpush、同埋 subscribe 我嘅 stories,咁樣大家就可以以最快嘅速度、獲得我嘅文章更新推送;感謝大家嘅支持。大家亦可以喺 Patreon follow 返我: https://www.patreon.com/herrfung