你係醒目仔嚟嘅，不過，有陣時有啲嘢，太醒就變咗走精面。老實講，可能你會覺得，嗰百萬人上街好戇鳩，但如果唔係呢班戇鳩人士焗住桑拿行幾粒鐘，外國勢力有邊有位入、邊有得出師有名？

冇錯，政治嘢絕大多數都係檯底交易。但喺歐美有條底線，叫「人權」，呢條底線真係好硬淨，有時甚至硬淨到你估佢唔到。再加上外國喺香港嘅投資，令到佢哋唔可以當香港係北韓或者非洲咁睇唔到當冇事。

問題係，如果去到呢個關頭都冇一啲可以令全世界都睇得見嘅動靜的話，老實講，就算人哋要出手，都未必咁容易。嗰百萬戇鳩仔女，正正做咗呢件事。之後嗰日德國大小傳媒，都以頭條方式報導呢件事；相信歐美其他地方都係。

如果香港個個都學似你咁醒目的話，咁可能到而家喺歐美，都仲未知發生緊咩事。

嬲固然解決唔到問題，太功利主義亦都一樣。