一起出走感覺多好 但天黑黑哪裏也去不到 — 好消息！寫呢篇文嗰陣，我開始點數、睇吓有咩未寫又想 cover。呢個動作通常代表我已經寫得七七八八、就算仲有都唔多。恭喜大家接近捱完幾篇講舊史嘅廢文。 呢幾篇回顧我五十年人生嘅文，我刻意迴避咗一啲喺我生命中構成負面影響嘅人 — 起碼我並冇以大篇幅去描寫佢哋；我希望喺我為踏入半世紀所寫嘅文章中，記敘一啲比較正面嘅事情。 只不過，去到接近最後，我亦要面對返呢啲並唔太開心嘅事 — 畢竟係自己嘅人生，我冇必要去否定某啲人、某啲事。但我唔希望用記人嘅方式去回顧呢段歷史；所以，我決定記事。 那些事 1982 年春，阿嫲病逝，開始咗屋企一連串老人家離世嘅序幕。喺嗰個年代，一般家庭都有種講法，屋企嘅老人家好多時都係一個接一個離世，好似 「 趁熱鬧 」咁。 阿爺當然有聽過呢個傳聞；於是喺治喪期過後，佢開始準備自己嘅 「 後事 」：首先係為每個孫留低一筆獎學金，等我哋可以讀大學 （ 遺憾嘅係，我一毫子都收唔到 ）。然後，喺直至佢離世嘅二十個月內，佢去咗好多次旅行（ 阿嫲抗拒搭飛機 ），去見台灣見老朋友、去韓國同新加坡開展覽；最後一次旅行，係同我哋同埋姑姐一家去日本玩 — 然後佢暈倒喺東京街頭，幸好事發時我哋都喺佢身邊；呢個係第一個警號。

雖然算不上愛情 我們的邂逅卻將黑暗一掃而空 — 蒙地卡羅五日嘅 working trip 完成，所有嘢都成為過去 —理論上。實際上當日嘅人同事，一直繼續圍繞我一段時間。 拖拉堆砌，先至係人生主題。 星期日早上，屋企。 今日係彌生兩姊妹度週末嘅最後一日，晏啲佢哋就會返米蘭。多情最早起身、並自動請纓去幫大家買早餐。彌生例牌入咗沖涼房作法，剩低我同澄夏喺廳等廁所。 澄夏亦都醒咗，用被冚住自己塊面，只係用一 …

大時代 — 寫咗兩篇後，我開始認真思考，究竟呢五十年我仲有咩人事物想紀念一下。我發現，唔去諗就乜都冇，稍為諗吓其實都有唔少嘢想寫。 我之前以至現在寫緊嘅小說，好大程度其實都集中喺 1997–2010 年呢十三年所發生嘅事，而且都係牽涉感情居多，喺 「 十三年 + 感情 」 以外嘅嘢，其實我好少著墨。然後最老套嘅三毫子哲學 kicks in — 除咗錢銀女人，其實呢五十年仲有好多人事物值得寫幾句，特別係人。 之前我講過，喺我上半生，對我唔好嘅人比對我好嘅人多；於是我用心搜索腦海一次，希望搵多啲曾經對我好嘅過客，畢竟感恩比記仇重要得多。 呢篇好多都係口述歷史 — 我冇太認真去考證，不過亦冇太多我認為犯駁嘅事情。如果有讀者知門路去 google、而得出結果有出入的話，以我為準 — 冇人會比我知道更多自己家族歷史。近年睇過某啲有關文章，基本上都係看圖作文；寫嘅人喺我阿爺去世嗰陣都未出世，作文目的係抬高作品價格 — 呢個年代我可以好放心講：任何簡體網頁嘅 「 作品 」 都係膺品。

如被世界捨棄 要愛誰 才能沒顧忌 — 大家一世人到目前呢一刻為止，有冇試過懷疑自己嘅性向？ 坦白講，我有，高中時期。只不過，好快就清醒 — 我打破唔到 social distance、即係大約兩呎距離，再接近已經唔自然。即使我有幾咁欣賞佢，但我更愛女人。 我並唔係例子，因為連證實階段都未到。但呢個世界的確有直人愛上另一個直人，但因為本身嘅性向唔係咁而放棄。行為上佢哋可能止步，但愛對方嘅心並唔 …

曾共度患難日子總有樂趣 — 出文嘅日子，我應該過咗五十歲生日喇 — 雖然寫嗰陣仲差一日。既然過到五十，咁當然要繼續寫。 呢篇文因為比較多私人嘢，所以我唔喺 Medium 出喇 — 其實都會擺低個 lead，不過比平常短。 可能大家會問：五十啫，你使唔使咁感慨、寫咁多舊史？ 唔係感慨，係冚蓋 — 可能大家唔信，其實我係個幾內向嘅人，只不過飾演健談外向嘅角色演繹得比較好咁解。好多嘢，我從來未向枕邊人以外嘅人透露。我怕有乜衫長褲短，我真係冇乜嘢可以留低獻世。 其實過去六年嘅寫作，某程度上都係呢個原因。 請移玉步往 Patreon 繼續閱讀；感謝！ 本週文章： 沒有縫紉的 Haute Couture（ 38 ） 我曾願你途上會留痕 給我去找你的足印medium.com 《 沒有縫紉的 Haute Couture 》 全集目錄 medium.com 死唔斷氣長篇廢文大笪地 a.k.a. 我的所有文章目錄medium.com

我曾願你途上會留痕 給我去找你的足印 — 「 緣份 」 呢個詞，分為 「 緣 」 同 「 份 」 兩部份。緣係機緣，兩個人有冇機緣接觸 — 有啲人，住埋同一幢樓十幾年都未講過一句嘢，呢啲唔算緣。 至於份就係情份、福份。見咗面、講咗嘢，份唔到的話，亦只有繼續見面同鳩噏；此為 「 有緣無份 」。「 有緣無份 」 同 「 有份無緣 」 其實冇乜分別 — 有水冇米、同有米冇水最終結果都係冇飯開， …

半生緣 — 呢篇文，諗咗一段日子，一直唔敢寫 — 我冇諗過自己竟然可以過五十歲生日。不過其實都仲未話得埋，仲有成個禮拜，真係玩嘢到差一兩日唔俾我過都唔係咩千古奇聞。 五十歲，好撚恐怖吧？ 四十幾，永遠係四十幾；人哋點叫你都好，大叔、阿叔、叔叔，都仲有個譜 — 話說有個好討厭嘅文友，我叫咗佢好多次唔好叫叔叔，佢都係唔聽 — 我最憎認親認戚，家陣同你好 frien …

無悔這刻形同如一雙愛侶 — 四日後早上，Gare de l’Est，即係巴黎東站。 送機送得多，送火車真係少之又少；平時送多情搭 Thalys 返巴黎嗰啲唔算。 Janet 今日離開巴黎，搭 ICE 經法蘭克福去柏林。 呢幾日，Janet 除咗去過市中心一帶嘅景點之外，其實冇乜點行過；佢似乎對巴黎興趣唔大…… 「 你就咁一篋行李一個背囊就嚟歐洲兩個星期？」 幫佢搬行李嗰陣我問佢 …

「 巴閉囉，英雄主義，疊馬。 」 — 呢篇文，我想寫咗好耐，但欠缺誘因 — 每個人喺網上都有個自我設定形象，有人鍾意扮百曉生、講乜都要識、人哋講乜都要搭嘴。有人鍾意扮天使愛美麗、作狀都要寫好人好事。咁耐以嚟，我嘅自我設定都係唔理嘢、閒雲野鶴，因為某程度上呢個先係真我 — 我好怕為啲唔關自己事嘅嘢而煩惱，那怕只係 google 半個鐘、寫幾句咁大把。 我一直搵唔到誘因寫呢個題目，直至最近，韓國藝人李善均出事、爆出吸毒同婚外情醜聞。網上一遍鞭撻聲音，佢拍緊嘅電影同劇要停工、怕好嘅嘢要落架，連佢收開每集劇幾錢都成為鞭撻目標。佢嘅罪名，彷彿同希特拉一樣咁罪大惡極 — 事實上，《 我的奮鬥 》 喺納粹收皮後都落咗架好一段時間，直至 2015 年，版權持有人去世七十周年，喺禁無可禁嘅情況下先放軟手腳 — 其實一直都禁無可禁，因為國外版權德國政府控制唔到，不過作為納粹原罪國，呢個狀點都要作。 喺呢個年代，藝人同惡魔，可以擁有相同待遇。我唔知應該恭喜李善均、定係戥希特拉唔抵。